.gif)
पोखरामा प्रथम गण्डकी कप महिला राष्ट्रिय ह्याण्डबल प्रतियोगिता आजबाट सुरु भएको छ । गण्डकी प्रदेश ह्याण्डबल संघको आयोजना तथा प्रदेश खेलकुद परिषद गण्डकीको प्रवर्द्धन एवं बुल्समेन क्लबको सहयोगमा सुरु भएको प्रतियोगितामा समूह ए बाट एपिएफ क्लब र समूह बी बाट त्रिभुवन आर्मी क्लबले सेमीफाइनलको यात्राको सम्भावनालाई बलियो बनाएका छन् ।
चार वर्षको अन्तरालमा पोखरा ह्याण्डबल एकेडेमीको कोर्टमा भएको खेलमा समूह ए तर्फ एपिएफले गण्डकीलाई २२–६ र बागमतिलाई ३०–१ गोलअन्तरले हराउँदै सेमीफाइनलको सम्भावना बलियो बनाएको हो । बागमतिले मधेश प्रदेशलाई ६–१ ले हराउँदा समूह बि तर्फ आर्मीले लुम्बिनीलाई २६–१३ र कोशीलाई ३७–८ को फाराकिलो गोलअन्तरले हराउँदै सेमीफाइनलको सम्भावना बलियो बनाएको छ । सोही समूहको अर्को खेलमा कर्णालीले लुम्बिनीलाई ६–४ गोलले हराएको छ ।
प्रतियोगितामा कुल ८ टिमको सहभागिता छ । समूह ए मा एपिएफ, गण्डकी, बागमति र मधेश प्रदेश रहेको छ भने समूह बि मा आर्मी, लुम्बिनी, कोशी र कर्णाली प्रदेश रहेको छ ।
तीन दिन सम्म चल्ने प्रतियोगिताको विजेताले विजेताले १ लाख रुपैयाँ, उपविजेताले ५० हजार, तेस्रोले ३० तथा चौथो हुनेले २० हजार रुपैयाँको साथमा शिल्ड, मेडल र प्रमाणपत्र प्राप्त गर्ने कोषाध्यक्ष कृष्ण सिंह बस्नेतले जानकारी दिए ।
दक्षिण यसियाली ह्याण्डबल संघका उपाध्यक्ष तेज गुरुङले लामो समयपछी ह्याण्डबल प्रतियोगिताको आयोजना भएको बताए उनले ह्याण्डबलको संघ गठन हुन नसकेको कारण लामो समयदेखी खेल गतिविधि गर्न नसकेको भन्दै ओलम्पिक कमिटी र नेपाल सरकारको विवादका कारब धेरै खेल संघ पीडित भएको समेत सुनाए ।
प्रदेश खेलकुद परिषद गण्डकीका उपाध्यक्ष धोज कुमार गुरुङले दशौ खेलकुदले खेल क्षेत्रलाई निरुत्साहित बनाउँदा यस्ता प्रतियोगिताले माहोल बनाउने गरेको बताए । प्रतियोगिता अन्तरगत भोलि लिगचरणका खेल सम्पन्न हुनेछन् । गण्डकी ह्याण्डबल संघका अध्यक्ष केशव पाठकको अध्यक्षतामा भएको कार्यक्रमम उपाध्यक्ष गिरमान गुरूङले समेत आफ्ना भनाई राखेका थिए ।
.jpeg)
.gif)
