.gif)
जनता समाजवादी पार्टी, नेपाल कपिलवस्तु कार्यसमितिको एकताको प्रथम जिल्ला अधिवेशनको केन्द्रीय अध्यक्ष उपेन्द्र यादवले उद्घाटन गरेका छन् ।
कपिलवस्तुको तौलिहवामा प्रमुख वक्ताको रुपमा जसपा नेपालका अध्यक्ष यादवले पानसमा बालेर उद्घाटन गरेसँगै आजदेखि जिल्ला अधिवेशन सुरु भएको हो ।
पछिल्लो समय देशब्यापी रुपमा जसपा नेपालको संगठन निर्माण अधियानले तीब्रता पाएसँगै यो अधिवेशनबाट कपिलवस्तुको जनस्तरमा पुग्ने र संगठन बिस्तार अभियानलाई थप प्रभावकारी ढंगले उचाईमा पुर्याउने लक्ष्य लिइएको छ ।
‘संघीयता, सुशासन, सामाजिक न्याय र समाजवाद’ पार्टीका मूल नारासहित सुरु भएको जिल्ला अधिवेशनले संगठन सुदृढीकरण, नीति–रणनीति र स्थानीय नेतृत्व निर्माणमा महत्वपूर्ण योगदान पुर्याउने अपेक्षा गरिएको छ ।
बाँके र बर्दियाको जिल्ला अधिवेशन उदघाटन सम्पन्न गरेर कपिलवस्तुको जिल्ला अधिवेशनको लागि अध्यक्ष यादवसहित जसपा नेपालको केन्द्रीय नेतृत्व शुक्रबार बिहान नेपालगञ्जबाट तौलिहवा पुगेको थियो ।
अध्यक्ष यादवसँगै जसपा नेपालका केन्द्रीय महासचिव एवं लुम्बिनी प्रदेश इन्चार्ज रामकुमार शर्मा, राष्ट्रिय सभा सदस्य खालिद सिद्धिकी र लुम्बिनी प्रदेश अध्यक्ष रामअवतार यादव लगायतका केन्द्रीय नेताहरु तौलिहवा अधिवेशनलाई सम्बोधन गर्ने कार्यक्रम छ ।
अधिवेशनमा जिल्लाका प्रतिनिधिहरू, स्थानीय नेताहरु, कार्यकर्ता तथा शुभेच्छुकहरूको उल्लेख्य उपस्थिति रहेको छ ।
.jpeg)
.gif)
