शुक्रवार, श्रावण ३० २०८२
शुक्रवार, श्रावण ३० गते २०८२

२०८२, श्रावण ३० गते

15th Aug 2025

    शुक्रवार, श्रावण ३० २०८२
images
images
images

मेयर बालेनका कानुनी सल्लाहकार अर्याल पनि रुपन्देही–३ को उपचुनावमा उत्रिँदै

मेयर बालेनका कानुनी सल्लाहकार अर्याल पनि रुपन्देही–३ को उपचुनावमा उत्रिँदै

श्रावण ३०, २०८२ शुक्रवार
श्रावण ३०, २०८२ शुक्रवार
  • मेयर बालेनका कानुनी सल्लाहकार अर्याल पनि रुपन्देही–३ को उपचुनावमा उत्रिँदै

    कात्तिक १७ मा हुने रुपन्देही–३ को उपनिर्वाचनमा अधिवक्ता ओमप्रकाश अर्यालले स्वतन्त्र उम्मेदवारी दिने तयारी गरेका छन् ।

    आफ्नो उम्मेदवारीलाई अन्तिम रूप दिन अर्याल तीव्र लबिङमा जुटिरहेको उनी निकट बताउँछन् । गुल्मीमा जन्मेका अर्याल पछि बुटवल बसाइँ सरेका थिए । उनी हाल ललितपुरमा बस्दै आएका छन् ।

    अर्याल उम्मेदवार बनेर मैदानमा उत्रिने तयारीले रुपन्देहीको चुनाव थप रोचक हुने देखिएको छ । उनी काठमाडौं महानगरपालिकाका प्रमुख बालेन्द्र शाहका कानुनी सल्लाहकार हुन् । महानगरविरुद्धका मुद्दाहरूमा अर्यालले कानुनी र रणनीतिक सल्लाह दिंदै आएका थिए ।

    चुनावकै लागि उनी केही समयअघि नै उक्त जिम्मेवारीबाट अलग भइसकेका छन् । सार्वजनिक सम्पत्ति संरक्षण जगेर्नामा अर्याल विगतदेखि नै सक्रिय छन् ।

    अर्यालले कुनै पनि राजनीतिक दलहरूको समर्थन बिना चुनावमा प्रतिस्पर्धा गर्न लागेका हुन् । उनले रुपन्देहीको चुनावलाई प्रभावमा पार्न सक्ने काठमाडौंका प्रभावशाली व्यक्तिहरूसँगको भेटघाट तीव्र पारिरहेका छन् भने उक्त क्षेत्रका मतदाताहरूसँग पनि प्रतिक्रिया लिइरहेका छन् ।

    ‘अन्डर डिस्कसन चाहिँ हो । समय र परिस्थितिको मूल्यांकन गर्दैछु, राय सुझाव सल्लाहका लागि अहिले खुला छु,’ अर्यालले भने, ‘समय आएपछि निर्णय पनि दिनुपर्ला ।’

    यसअघि बालेनकै सल्लाहकार सन्तोष गिरी उम्मेदारका लागि मैदानमा उत्रिसकेका छन् । गिरीले एक महिनाअघिबाटै तयारी गरिरहेका बेला अर्यालको कसरतले बालेनका समर्थक अन्यौलमा परेका छन् । गिरी रुपन्देही ३ कै स्थानीय हुन् भने अर्याल गुल्मीबाट बुटवल हुँदै अहिले काठमाडौमा बस्दै आएका छन् ।

    रुपन्देही– ३ बाट निर्वाचित सांसद दीपक बोहराको गत १९ चैतमा काठमाडौंस्थित ओम अस्पतालमा निधन भएको थियो। उनी चुनावअघिदेखि नै पोस्ट–कोभिड संक्रमणले थला परेका थिए । रुपन्देही– ३ मा नेकपा (एमाले), नेपाली कांग्रेस, माओवादी केन्द्र, राष्ट्रिय स्वतन्त्र पार्टी (रास्वपा), राप्रपालगायत दलहरूले प्रतिस्पर्धा गर्ने तयारी गरेका छन् ।

    एमालेले खिमलाल भट्टराईलाई उम्मेदवार बनाउने पक्कापक्की जस्तै भएको नेताहरूले जानकारी दिएका छन् । त्यस्तै, नेपाली कांग्रेसले उम्मेदवार चयनको प्रक्रिया अघि बढाएको छ भने रास्वपा पनि उम्मेदवार छनोटको प्रक्रियामा छ ।

     

    images
    images
    प्रतिक्रिया दिनुहोस्
    images
    images
    images
    images
    images
    images
    images
    भर्खरै
    images
    images
    साताको लोकप्रीय
    images
    images
    थप समाचार