.gif)
रसुवागढी नाकामा बाढीले बगाएको मितेरी पुलको ठाउमा चीनले आइतबारदेखि औपचारिक रूपमा बेलिब्रिज निर्माण सुरु गर्ने भएको छ ।
नेपाल सरकार र चीनबीच भएको समझदारी अनुसार चिनियाँ पक्षले बेलिब्रिज निर्माण सुरु गर्न लागेको रसुवाका प्रमुख जिल्ला अधिकारी अर्जुन पौडेलले जानकारी दिएका छन् । चीनले आगामी भदौ ३० गतेभित्र पुल निर्माण सम्पन्न गर्ने छ ।
सीमा नाकामा अवरुद्ध सडक सम्पर्क शीघ्र सुचारु गर्न अस्थायी रूपमा बेलिब्रिज निर्माणका लागि शनिबार रसुवाका प्रमुख जिल्ला अधिकारी सहितको टोलीले निर्माणस्थलको अवलोकन गरेको छ ।
गत असार २४ गते भोटेकोशी नदीमा आएको बाढीका कारण रसुवागढीस्थित नेपाल-चीन जोड्ने मितेरी पुल पूर्ण रूपमा क्षति भएको थियो। जसले गर्दा सीमा नाकाबाट हुने नेपाल-चीन सडक सम्पर्क टुटेको छ ।
शनिबार नै रसुवा र चीनका स्थानीय अधिकारी बीचमा निर्माणस्थलबाटै भर्चुअल बैठक सम्पन्न भएको छ । बैठकका क्रममा विपदको समयमा भएका उपद्वार, राहत एवम् विपदपश्चातको पुनर्निर्माण र पुनर्स्थापनाका विषयमा विस्तृत रूपमा द्विपक्षीय छलफल भएको जिल्ला प्रशासन कार्यालय रसुवाले जनाएको छ ।
प्रस्तावित बेलिब्रिजको यथाशीघ्र निर्माण सम्पन्न गर्नका लागि स्थानीय प्रशासनबाट उपयुक्त वातावरण निर्माणका गर्न आवश्यक समन्वय, सहकार्य र सहजीकरण गर्ने प्रतिबद्धता समेत व्यक्त भएको छ ।
.jpeg)
.gif)
