.gif)
नेपाल विद्युत प्राधिकरणका पूर्व कार्यकारी निर्देशक कुलमान घिसिङ अमेरिका र युरोप यात्रामा निस्केका छन् । ‘उज्यालो नेपाल’ अभियानका नायक कुलमान घिसिङ एक महिने अमेरिका–युरोप यात्रामा निस्किएका हुन् ।
शुक्रबार सामाजिक सञ्जालमा आफ्नो भ्रमणको कार्यतालिका सार्वजनिक गर्दै घिसिङले ‘उज्यालो नेपाल’ अभियान लिएर आफू आज अमेरिका प्रस्थान गरेको जानकारी दिएका हुन् । उनी यस भ्रमणमा अमेरिका, बेलायत र युरोपियन देशहरूको विभिन्न शहरहरूमा हुने कार्यक्रम तथा अन्तक्र्रियाहरूमा सहभागी हुने छन् । घिसिङ जुलाइ २५ देखि अगष्ट २६ सम्म वैदेशिक भ्रमणमा रहने छन् ।
जुलाइ २५ देखि अगष्ट १० सम्म उनी अमेरिकामा रहनेछन् भने अगष्ट ११ देखि २५ सम्म युरोपका विभिन्न देशमा रहने छन् । अमेरिकामा रहँदा घिसिङ, न्यूयोर्क, बोस्टन, टेक्सास, वासिङटनका विभिन्न कार्यक्रममा सहभागी रहने छन् । त्यसपछि बेलायतको लण्डन, स्कटल्याण्ड, बेल्जियम, पोर्चुगलमा पनि पुग्ने छन् । उनी अगष्ट २६ मा स्वदेश फर्कने कार्यक्रम छ ।
उनले विदेशमा रहने नेपाली डाएस्पोराका दाजुभाइ तथा दिदीबहिनीहरूसँग प्रत्यक्ष भेटघाट तथा अनुभव साटासाट गर्ने समेत बताएका छन् । यसअघि पनि घिसिङ मध्यपूर्व देशहरू ओमन, यूएई, कतारलगायतका देशहरू घुमेर आएका थिए ।
यस्तो छ घिसिङको भ्रमण कार्यतालिका
.jpeg)
.gif)
