.gif)
भारतको ओडिसा सरकारले कालिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी)मा नेपाली विद्यार्थी मृत भेटिएको घटनाको छानविन गर्न आदेश दिएको छ ।
बीटेक पहिलो वर्षमा अध्ययनरत वीरगन्जकी प्रिशा साह मृत बिहीबार राति करिब ८ बजेतिर आफ्नै होस्टलको कोठामा मृत भेटिएको घटना बाहिरिएपछि ओडिसा सरकारले दुःख व्यक्त घटनाको जाँच गर्न आदेश दिएको हो । प्रहरीले उक्त घटनाको अनुसन्धान थालेको जनाएको छ ।
परराष्ट्र मन्त्रालयले थाल्यो छानविन गर्न कूटनीतिक पहल
साह मृत फेला परेको घटनामा परराष्ट्र मन्त्रालयले छानबिनका लागि कूटनीतिक पहल सुरु गरेको छ । परराष्ट्रमन्त्री आरजु राणा देउवाले बिहीबार नै भारत सरकार, ओडिसा सरकारका उच्च अधिकारीहरू र दिल्लीस्थित नेपाली दूतावासमार्फत घटनाको सत्यथ्य छानबिन गर्न कूटनीतिक पहल थालेको बताएकी छन् ।
गत ४ फागुनमा केआईआईटीमा अध्ययनरत २० वर्षीया नेपाली विद्यार्थी प्रकृति लम्साल होस्टेलमा मृत फेला परेपछि विद्यार्थीहरूले आन्दोलन गरेका थिए ।
रुपन्देहीको भैरहवा निवासी लम्सालले आफूमाथि मानसिक दुव्र्यवहार र ब्ल्याकमेल भएकोबारे परिवारले नै त्यहाँ पुगेर उजुरी दिएको थियो । त्यो घटनापछि कलेज प्रशासनले नेपाली विद्यार्थीमाथि गरेको दुव्र्यवहारको ठुलो आलोचना भएपछि माफी माग्दै ती कर्मचारीलाई कारबाही गरिएको थियो ।
करिब १५ सय नेपाली विद्यार्थी अध्ययन गर्ने यो शिक्षालयमा लगातार यस्तो घटना भएपछि नेपाली विद्यार्थीहरूलाई थप चिन्ता थपिएको छ ।
.jpeg)
.gif)
