.gif)
लुम्बिनी प्रदेश पूर्वाधार विकास प्राधिकरणअन्तर्गत सञ्चालित जग्गा एकीकरण आयोजनाका अध्यक्ष श्यामेश चौधरीले राजीनामा दिएका छन् ।
चौधरी लुम्बिनी प्रदेश जग्गा एकीकरण नियमावली, २०७९ को नियम १७ बमोजिम प्राधिकरणको निर्णय अनुसार १ असोज २०७९ मा नियुक्त भएका थिए । चार वर्षका लागि नियुक्त भएका चौधरीले मंगलबार पत्रकार सम्मेलन गरेर राजीनामा घोषणा गरेका हुन् ।
सरकारले काम गर्ने वातावरण खोसेर निरन्तर अपमान गरेकाले राजीनामा दिएको चौधरीको भनाइ छ । प्रदेश सरकारले ८ महिनाअघि नै चौधरीलाई हटाएर सुनिलकुमार बस्नेतलाई अध्यक्षमा नियुक्त गरेपछि चौधरी अदालत गएका थिए ।
अदालतले उनको पक्षमा फैसला गरेको थियो ।अदालतको फैसलापछि केही महिना सरकारको व्यवहार हेरेको तर कुर्सी पनि नदिने, नेम प्लेट पनि हटाइदिएर अपमानजक व्यवहार गरेको र राजनीनामा गर्न धम्की दिएको चौधरीले बताए । चौधरी माओवादी केन्द्रनिकट हुन् ।
.jpeg)
.gif)
