.gif)
धादिङ, गंगाजमुना गाउँपालिका–६ की पार्वती कार्कीले एनसेलको ‘सधैं अन करोडपति’ योजनाअन्तर्गत एक करोड रूपैयाँको बम्पर पुरस्कार जितेकी छन् । एनसेलका चिफ फाइनान्सियल अफिसर इनामुल कबिरले शुक्रबार काठमाडौँमा आयोजित कार्यक्रममार्फत पुरस्कार हस्तान्तरण गरेका हुन् ।
२०७२ सालको भूकम्पमा कान्छो छोरा र घर गुमाएकी कार्कीले विगत आठ वर्षदेखि एनसेलको सिम प्रयोग गर्दै आएकी थिइन् । असार महिनामा रू ९९ को ‘बेसिक रिन्युअल’ प्याक खरिद गर्दै उनले योजनामा सहभागिता जनाएकी थिइन् ।
‘जीवनमा धेरै संघर्षपछि यो पुरस्कार जित्दा अत्यन्त खुशी लागेको छ । अब ऋण तिर्ने र नेपालमै श्रीमानसँग मिलेर उद्यम सुरू गर्ने सोच छ’, कार्कीले भनिन् । सामान्य लेखपढ भएकी कार्की खेती किसानी गर्छिन् ।
एनसेलको १२ हप्ते योजनामा अन्य ५० जनाले जनही एक लाख रूपैयाँको साप्ताहिक पुरस्कार जितेका छन् । एनसेलकाअनुसार हालसम्म ३६ जनालाई पुरस्कार हस्तान्तरण भइसकेको छ भने बाँकी विजेतालाई पनि प्रमाणिकरणपछि पुरस्कृत गरिनेछ ।
.jpeg)
.gif)
