.gif)
प्रधानमन्त्री केपी शर्मा ओली गृहजिल्ला झापा आएका छन् । प्रधानमन्त्री ओली दुई दिनसम्म झापा र इलामका विभिन्न कार्यक्रममा सहभागी हुने जानकारी दिइएको छ । शनिबार बिहान ११ बजे चन्द्रगढी विमानस्थलमा पुगेका प्रधानमन्त्री ओलीलाई एमालेका कोशी प्रदेश इञ्चार्ज शेरधन राई, मुख्यमन्त्री हिक्मतकुमार कार्कीलगायत नेताले स्वागत गरेका थिए ।
प्रधानमन्त्री ओलीले बुद्धशान्ति गाउँपालिका-३ स्थित भागीरथा न्यौपाने बुद्धशान्ति अस्पतालको उद्घाटन गर्ने, कन्काई नगरपालिकामा भूमिहीन दलित, सुकुम्बासी र अव्यवस्थित बसोबासीलाई जग्गाको धनीपुर्जा वितरण गर्ने लगायतका कार्यक्रम रहेका छन् ।
त्यस्तै प्रधानमन्त्री ओलीले आजै इलाम जिल्लाको माई नगरपालिकाका अव्यवस्थित बसोबासी, भूमिहीन दलित र सुकुम्बासीलाई जग्गाको धनीपुर्जा वितरण गर्ने र माई नगरपालिकामा रहेको नगर अस्पतालको उद्घाटन गर्ने कार्यक्रम रहेको छ ।
त्यस्तै प्रधानमन्त्री ओलीले आइतबार दमक नगरपालिकास्थित मदनडाँगी-ताराबारी-डिपो सडकखण्डको उद्घाटन र बिर्तामोडको सिटीसेन्टरमा आयोजित कार्यकर्ता भेलालाई सम्बोधन गर्ने कार्यक्रम रहेको छ ।
.jpeg)
.gif)
