.gif)
प्रिमियर इन्टरनेशनल IB कन्टिन्युम स्कूलका NEB कार्यक्रमका विद्यार्थीहरूले यस वर्ष तीन प्रमुख पहलहरू—The Voice, Futurepreneurs Fair 2025, र NEB STEAM Fair—नेतृत्व गरे, जसले उनीहरूको शैक्षिक रुचि र व्यवहारिक सोचको स्पष्ट प्रतिबिम्ब प्रस्तुत गर्यो। यी कुनै विद्यालयद्वारा तोकिएका परियोजनाहरू थिएनन्; बरु, विद्यार्थीहरूले आफैंले योजना बनाए, डिजाइन गरे, र कार्यान्वयन गरे—जसले NEB कार्यक्रमको मूल शक्ति विद्यार्थी स्वामित्व र नेतृत्वलाई उजागर गर्यो।
व्यवसाय र सिर्जनात्मकताको संगम: Futurepreneurs Fair 2025
व्यवस्थापन र मार्केटिङप्रति रुचि राख्ने NEB विद्यार्थीहरूले Futurepreneurs Fair मा Goldstar, Century, Makkuse, र Silk Artisanal Creamery जस्ता स्थापित ब्रान्डहरूका लागि आफ्नै सोचमा आधारित रणनीति र मार्केटिङ योजना प्रस्तुत गरे। विद्यार्थीहरूले सोचे, “यदि म यो ब्रान्डको मार्केटिङ म्यानेजर हुँ भने के गर्थें?”—र त्यसको उत्तर एक पेशेवर प्रस्तुति मार्फत दिए।
विद्युशी राणा (Executive Director, Goldstar), शोभना दुगड (Executive Director, Century), मि. मिङ (Executive Director, Makkuse), र ऋषभ अग्रवाल (Founder, Silk) जस्ता प्रतिष्ठित व्यवसायिक व्यक्तिहरूले विद्यार्थीहरूको रणनीतिक सोच, रचनात्मकता र प्रस्तुतिको स्तरको उच्च प्रशंसा गरे। विद्युशी राणाले त Goldstar का लागि पिच गर्ने विद्यार्थीहरूलाई इन्टर्नशिपको अवसरसमेत प्रदान गर्नु भयो, जुन विद्यार्थीहरूका लागि ठूलो प्रेरणा बन्यो।
नवप्रवर्तन र प्रभाव: NEB STEAM Fair
NEB STEAM Fair ले विज्ञान, प्रविधि, इञ्जिनियरिङ, कला, र गणित (STEAM) को संगममा आधारित विद्यार्थी नवप्रवर्तनलाई उजागर गर्यो। पर्यावरणमैत्री प्रविधिदेखि लिएर अन्तरक्रियात्मक मोडेलहरूसम्म, विद्यार्थीहरूले पाँच प्रभावशाली परियोजनाहरू प्रस्तुत गरे, जसले व्यवहारिक समस्याहरूको समाधानमा उनीहरूको गहिरो सोच झल्कायो। TrashTrawler ले ताल, खोला र नदीहरूबाट फोहोर सङ्कलन गर्ने उपाय प्रस्तुत गर्यो, Line Follower Robot ले ठूलो क्षेत्रको सफाइ कार्य स्वचालित बनाउने समाधान दियो। EcoScribes ले पुनः प्रयोग हुने कागज र प्राकृतिक स्रोतबाट मसी बनाउने नविन प्रयोग प्रस्तुत गर्यो, LibraTech ले पुस्तकालय व्यवस्थापनको लागि बारकोडमा आधारित प्रणाली तयार गर्यो, र Silva ले प्राकृतिक तत्वमा आधारित सौन्दर्य सामग्री (जस्तै लिप बाल्म र परफ्यूम) को परिकल्पना प्रस्तुत गर्यो।
यी परियोजनाहरू केवल सिर्जनात्मक मात्रै थिएनन्, विद्यार्थीहरूले आफैंले आर्थिक स्रोत जुटाएर, त्यसलाई व्यवहारिक रूपमा कार्यान्वयनसम्म पुर्याएका थिए। कर्खाना का सुनोज दास श्रेष्ठ र Laali की श्रीमती सलोनी राजभण्डारी ले विद्यार्थीहरूको सोच, समर्पण, र दीगो विकासप्रतिको प्रतिबद्धताको प्रशंसा गरे। “विद्यार्थीहरूको मेहनत र समर्पणले देखाउँछ कि भविष्यको चुनौती सामना गर्न STEAM शिक्षाको कति गहिरो भूमिका छ,” – प्रविना थापा, शैक्षिक निर्देशक।
विद्यार्थी नेतृत्वको प्रतिबिम्ब: The Voice
The Voice नामक पूर्ण रूपमा विद्यार्थीहरूद्वारा सम्पादित पत्रिका विद्यालय वर्षको झलक हो, जसमा लेख संकलन, ग्राफिक डिजाइन, सम्पादन, र टिम व्यवस्थापनसम्म सबै जिम्मेवारी विद्यार्थीहरूले नै सम्हाले। उनीहरूले टिम छान्नेदेखि लिएर सम्पादकीय निर्णय गर्ने अधिकार पनि आफैंसँग राखे। The Voice केवल पत्रिका नभई नेतृत्व, सशक्तीकरण र विद्यालय संस्कृतिमा विद्यार्थी आवाजको महत्व देखाउने माध्यम बन्यो।
चाहे उनीहरूले कथा लेखुन्, ब्रान्ड पिच गरून् वा रोबोट निर्माण—Premier का NEB विद्यार्थीहरूले यस वर्ष आफ्नो सीप, सोच, र उद्देश्य प्रस्तुत गर्न सके। NEB कार्यक्रम केवल परीक्षाका लागि तयारी गर्ने कक्षा होइन, वास्तविक संसारका लागि आफूलाई तयार पार्ने प्लेटफर्म बनिरहेको छ। प्रिमियरको NEB कार्यक्रमले शैक्षिक गहिराइ र जीवनोपयोगी अनुभवको सन्तुलनमार्फत विद्यार्थीहरूलाई आत्मविश्वास, स्वतन्त्रता र उद्देश्यका साथ नेतृत्व गर्न सक्षम बनाइरहेको छ।
.jpeg)
.gif)
