.gif)
सत्तारुढ नेकपा एमालेका महासचिव शंकर पोखरेलले गत चैत १५ गते काठमाडौंको तीनकुनेमा घटेको घटनाको जिम्मेवारी पूर्वराजाले लिनुपर्ने बताएका छन् । पार्टीको एक कार्यक्रमलाई सम्बोधन गर्दै उनले घटनाको जिम्मा शाहले नै लिनुपर्ने बताएका हुन् ।
ज्ञानेन्द्रले नै दुर्गा प्रसाईलाई कमाण्डर तोकेकाले प्रसाईले जे गरे ज्ञानेन्द्रकै निर्देशनमा गरेको दावी गरे । पोखरेलले भने, ‘दुई जना युवाको ज्यान गयो । यसको कमाण्डर दुर्गा प्रसाईं थिए । ज्ञानेन्द्रले नै निर्मल निवास बोलाएर प्रसाईंलाई कमाण्डर तोकेका हुन् । त्यसकारण त्यहाँ प्रसाई र अरुले जे गरे पनि त्यो ज्ञानेन्द्र शाहकै निर्देशनमा भएको हो । राप्रपाको पनि होइन ।’
बंगलादेशको नक्कल गर्दा व्यवस्था पल्टिन्छ भन्ने भ्रम छरेर प्रसाईलाई परिचालन गरिएको उनको भनाइ छ। ‘बंगलादेशमा जस्तै लुटपाट गर्दा व्यवस्था पल्टिन्छ भन्ने भ्रम राखियो । दुर्गा प्रसाईलाई परिचालन गरियो,’ उनले भने । ‘१५ गतेको त्यो घटनाको पछाडि बेला बेला बक्तव्य दिइरहने ज्ञानेन्द्रको बोली फुटेकै छैन,’ उनले भने, ‘जनताको कुरा गर्न उनलाई के समस्या ? उनले खटाएको मान्छेले मच्चाएको वितण्डाको बारेमा उनलाई थाहा नहोला ? उचालेका मान्छेले गरेको उत्पातबारे थाहा नहोला ? यस्ताले मुलुक र जनताको भविष्यको कुरा गर्ने ? यस्ता नालायक ।’
.jpeg)
.gif)
