दाङ तुलसीपुर उपमहानगरपालिका वडा नंं. १ का विकट बस्तिहरुमा अझै पनि प्रभाबकारी रुपमा सडक सञ्जाल पुग्न सकेको छैन । विकट क्षेत्रका रुपमा चिनिने वडा नं. १ को बयाले, चुरेघाँटी, बाखखोर, रानी टाकुरा, अभिधारा, गहिरा सिउरेलगायतका क्षेत्रमा उपमहानगरपालिकाले पाउने सेवा सुविधा पाउन नसकेको स्थानीय चक्रपानी उपाध्यायले बताए।

वडा नं. १ मा मात्रै ५/७ वटा त्यस्ता बस्ति रहेको उहाँले बताउनुभयो । त्यहाँ तत्काल विद्युत, खानेपानी, सडक पुर्‍याउनु पर्ने अपरिहार्य रहेको तुलसीपुर १ का अध्यक्ष हुमकान्त सापकोटाले बताए । ति गाउँमा करिब २ सय बढि घर परिवार रहेका छन् । उपमहानगरपालिका भित्रका यस्ता बस्तिलाई लक्षित गर्ने विकासको मोडेल तयार पार्ने उपप्रमुख स्यानी चौधरीले बताए ।

सडक,खानेपानी, शिक्षा,स्वास्थ्यजस्ता कुराहरुलाई बढि प्राथमिकता दिने उनको भनाइ छ । सडक सञ्जाल नहुँदा बजार आवत जावत गर्न पनि निकै कठीन हुने गरेको तुलसीपुर १ बयाले निवासी चक्रपानी उपाध्यायले बताए।