नेकपा (माओवादी केन्द्र) का सांसद देवेन्द्र पौडेलले सदन भवनलाई कटाक्ष भूमि नभइ रचनात्मक बहसको केन्द्र बनाउनु पर्नेमा जोड दिएका छन् ।

आज (मंगलबार) को प्रतिनिधि सभा बैठकमा बोल्दै उनले संसद् भुइँमान्छेको दैनिकी बदल्ने कोणबाट बहस हुनुपर्नेमा जोड दिए । ‘व्यवस्था फेरियो अवस्था फेर्ने चरणमा छौं । चिच्याउने मात्र होइन, आँगन र भुइँमान्छेहरुको आँगन र चुलोमा लोकतन्त्र पुर्‍याउने हो । भुइँमान्छेको हालत कस्तो छ भन्ने कुरा विदेशिएकाहरुबाट हेर्न सकिन्छ । उनीहरुलाई नेपाल फर्काउने वातावरण बनाउनु पर्छ’, उनले भने ।

उनले अदालतले पार्टी विभाजन गरेको सरकार ढालेका जस्ता विषयहरुमा बहस गर्न जरुरी नरहेको संकेत गरे । बाहिर बसेर आलोचना गर्नेहरु र चर्का कुरा गर्नेहरु पनि यही संसदमा रहेको भन्दै बहसबाट अवस्था परिवर्तन गर्ने गरी नीति निर्माण बनाउन ध्यान दिनुपर्ने जिकिर गरे । ‘हिजो अदालतले गरेको कुराहरुमा कटाक्ष गरेर सदन बितायो भने विदेशमा भएका युवाहरुले के हेर्ने ?’, उनले भने, ‘अर्थतन्त्र बिग्रियो भनेर नभनौं तर सप्रेको पनि छैन । सर्पाने हामीले हो । त्यसमा छलफल गरौं । तीन विषयमा राष्ट्रिय सहमति खोजौं ।’

हेर्नुहोस् यो भिडियो पनि: