मेष (चु, चे, चो, ला, लि, लु, ले, लो, अ) आज सानो प्रयत्नले ठूलो काम सम्पादन हुनेछ । श्रमको उचित मूल्याङ्कन हुनेछ । विद्या र बुद्धिको विकास हुनेछ । यात्रा गर्ने अवसर प्राप्त हुनेछ । मिथुन (का, कि, कु, घ, ङ, छ, के, को, हा) अनावश्यक धन खर्च भई मानसिक चिन्ता बढ्न सक्छ । गरेको काममा ढिलासुस्ती हुनेछ । बढी मेहनतीहरूका लागि दिन फलदायी नै रहनेछ । सिंह (मा, मि, मु, मे, मो, टा, टि, टु, टे) आज अतिथिका रूपमा सम्मान पाइनेछ । श्रमको उचित मूल्याङ्कन हुनेछ । वैदेशिक क्षेत्रको काम अघि बढ्ने छ । आत्मिक सन्तुष्टि पनि मिल्ने छ । तुला (रा, रि, रु, रे, रो, ता, ति, तु, ते) बोलीको विपरीत अर्थ लाग्न सक्छ । मनमा चञ्चलता बढ्नाले गलत निर्णय लिन पुगिएला सचेत रहनुहोला । आज लगानी गर्नु पनि उपयुक्त नहोला । धनु (ये, यो, भा, भि, भु, धा, फा, ढा, भे) आज एउटै कामबाट दोहोरो लाभ मिल्ने छ । वैदेशिक कार्य अघि बढ्ने छ । धर्म, कर्म तथा समाज सेवामा मन लाग्नेछ, तर मनमा चिन्ताले सताउने छ । कुम्भ (गु, गे, गो, सा, सि, सु, से, सो, दा) बुद्धिको उपयोगले लक्ष्य पहिल्याउन सकिनेछ । शुभकार्यको चर्चा चल्ने छ । अरुलाई प्रभावित पारेर काम बन्ने छ । प्राविधिक क्षेत्रमा रुचि बढ्ने छ । वृष (इ, उ, ए, ओ, वा, वि, वु, वे, वो) इच्छा र आकांक्षा पूर्ण हुनसक्छ । मनमा हर्ष छाउने छ । आफ्नो क्षेत्रमा प्रभुत्व जमाउन सकिने छ । नयाँ सफलता पनि मिल्न सक्छ । कर्कट (हि, हु, हे, हो, डा, डि, डु, डे, डो) साथीभाइबाट सहयोग मिल्ने छ । सामाजिक र धार्मिक कार्यबाट सन्तोष मिल्ने छ । शिक्षामा प्रगति हुनुका साथै रोजगारीको अवसर पनि मिल्ने छ । कन्या (टो, पा, पि, पु, ष, ण, ठ, पे, पो) आज शुभकार्यको चर्चा चल्नेछ । परिवारजनको साथले नयाँ आशा पलाउनेछ । लाभदायक यात्रा पनि रहला, तर स्वास्थ्य मापदण्ड अपनाउनु पर्छ । वृश्चिक (तो, ना, नि, नु, ने, नो, या, यि, यु) परिवारमा ठूलो जमघट वा कुनै धार्मिक सामाजिक कार्य सम्पन्न हुनेछ । दैनिक कामहरू अगाडि बढ्ने छन् । कार्य सम्पादनमा सहजता मिल्ने छ । मकर (भो, जा, जि, जु, जे, जो, ख, खि, खु, खे, खो, गा, गि) आज पारिवारिक सद्भाव बढ्नेछ । नयाँ व्यक्तिसँग भेटघाट हुने समय छ । व्यापार व्यवसायबाट लाभ मिल्ने छ, तर स्वास्थ्य प्रति सजग रहनु पर्छ । मीन (दि, दु, थ, झ, ञ, दे, दो, चा, चि) रमाइलो यात्रा गर्ने अवसर प्राप्त हुनेछ । कला र गलाको प्रभाव बढ्ने छ । मनोरञ्जनमा सहभागिता भइएला । आर्थिक क्षेत्रमा राम्रो सफलता मिल्ला । – ज्यो.प. नारायणप्रसाद दुलाल